Dihukum gantuang den lai namuah
Gantuangkan ka tandan pisang masak
Dihukum banam buliah juo
Banaman ka dalam pariuak barisi kolak
Dihukum cambuk den namuah juo
Cambuk pakai baluik lado ijau
Dihukum buang buliah juo
Buang ka palanta nasi kapau
Dihukum tembak den namuah juo
Tembak pakai mariam lamang sabatang
Bapiluru onde ondeh jo kue bolu
Dihukum kuruang buliah juo
Kuruang dalam biliak anak gadih urang
Batirai akad sarato kulambu
Penulis:
Zikri Almarhum
(Lahir di Canduang, Kabupaten Agam, dan masih hidup. Menyukai puisi dan gajeboh. Buku pertamanya “wifi di atas kuburan” terbitan JBS hanya tinggal berapa eksemplar lagi, buruan diorder sebelum habis tandas. (emot ketawa licik).)